സ്ത്രീധനം കൊടുക്കില്ല വാങ്ങില്ല എന്ന പ്രതിജ്ഞ
നമ്മുടെ കൂടെ സഹകരിക്കുന്നവർക്ക് (associates) "സ്ത്രീധനം കൊടുക്കില്ല വാങ്ങില്ല" എന്ന പ്രതിജ്ഞ നിർബന്ധമാക്കിയാലോ" ? മറ്റുള്ളവരെ പഴിചാരി രക്ഷപ്പെടുന്ന പരിപാടി മാറി, നമ്മളോരോരുത്തരും നേരിട്ട് ഉത്തര വാദിത്തം ഏറ്റെടുക്കണം. ഇതു പുതിയ ആളുകൾ വരുന്നത് കുറക്കുമായിരിക്കും പക്ഷേ സ്വന്തം ജീവിതത്തിൽ മാറ്റം വരുത്താൻ തയ്യാറാവാതെ വരുന്നവരെക്കൊണ്ടു് സുസ്ഥിര മാറ്റം വരുത്താനാവില്ല.
AkshayWed 23 Jun 2021 5:12PM
പ്രതിജ്ഞ കൊള്ളാം. പക്ഷേ കുടുംബം എന്ന സ്ഥാപനത്തിലെ പാളിച്ചകളും, ആണ്കോയ്മയും ചോദ്യം ചെയ്യാതെ പൊള്ളയായ എന്തോ ചെയ്തു കൂട്ടുന്നതുപോലെ ഫെമിനിസ്റ്റ് തിയറി ഒക്കെ ചിന്തിക്കുന്നവര് ഇതിനെ കണ്ടാല് അതില് തെറ്റില്ല.
Pirate PraveenWed 23 Jun 2021 5:33PM
ഇതൊരു തുടക്കം എന്ന നിലയിൽ പറഞ്ഞതാണ്. പ്രധാനമായും ഉദ്ദേശിക്കുന്നത് ചില മോശം ആളുകൾക്ക് ശിക്ഷ കൊടുത്താൽ ഇതുപോലുള്ള പ്രശ്നങ്ങൾ പരിഹരിക്കാം എന്ന ചിന്തയിൽ നിന്നുള്ള മാറ്റമാണു്.
Pirate PraveenFri 25 Jun 2021 6:22AM
"സ്ത്രീധനത്തെ കുറിച്ച് ചിന്തിക്കുകയോ സംസാരിക്കുകയോ ചെയ്യുന്നതും, ഈ വിഷയത്തിൽ നിഷ്പക്ഷത പാലിക്കുന്നതും തെറ്റാണ്, അധിക്ഷേപം ഏത് രീതിയിലുള്ളതാണെങ്കിലും അത് സ്വീകാര്യമല്ല, പെൺകുട്ടികൾക്കും തുല്യത ഉണ്ട് എന്ന് മനസിലാക്കുക, പെൺകുട്ടികൾക്കും ഏതൊരു പുരുഷനെയും പോലെ തുല്യമായ അധികാരവും അവകാശവും ഉണ്ട്, സാമ്പത്തിക ഭദ്രതയുണ്ടെന്നും, വിവാഹമോചനം ജീവിതത്തിന്റെ അവസാനം അല്ല..നമ്മുടെ ആണ്മക്കളെയും പെൺമക്കളെയും മക്കളെയും പഠിപ്പിക്കാൻ നാം വിദ്യാഭ്യാസം നേടേണ്ടതുണ്ട്.." ഇതും കൂടി ചേർക്കാം.
സ്ത്രീധനം കൊടുക്കില്ല വാങ്ങില്ല എന്ന പ്രതിജ്ഞ അസോസിയേറ്റ് ആകാൻ നിർബന്ധമാക്കുക
proposal by Pirate Praveen Closed Fri 9 Jul 2021 6:00AM
ഈ പ്രതിജ്ഞ അസോസിയേറ്റ് ആകാനുള്ള പ്രതിജ്ഞയിൽ ചേർക്കുക. (ഇംഗ്ലീഷ് ഗ്രൂപ്പിൽ കൂടി പാസാക്കണം).
ഞാൻ സ്ത്രീധനം കൊടുക്കുകയോ വാങ്ങുകയോ ഇല്ല.
സ്ത്രീധനത്തെ കുറിച്ച് ചിന്തിക്കുകയോ സംസാരിക്കുകയോ ചെയ്യുന്നതും, ഈ വിഷയത്തിൽ നിഷ്പക്ഷത പാലിക്കുന്നതും തെറ്റാണ്, അധിക്ഷേപം ഏത് രീതിയിലുള്ളതാണെങ്കിലും അത് സ്വീകാര്യമല്ല, പെൺകുട്ടികൾക്കും തുല്യത ഉണ്ട് എന്ന് മനസിലാക്കുക, പെൺകുട്ടികൾക്കും ഏതൊരു പുരുഷനെയും പോലെ തുല്യമായ അധികാരവും അവകാശവും ഉണ്ട്, കൂടാതെ സാമ്പത്തിക ഭദ്രതയുണ്ടെന്നും, വിവാഹമോചനം ജീവിതത്തിന്റെ അവസാനം അല്ല.. എന്നും ഞാൻ എന്റെ ആണ്മക്കളെയും പെൺമക്കളെയും മക്കളെയും പഠിപ്പിക്കും.
Results
| Results | Option | Votes | % of votes cast | % of eligible voters | |
|---|---|---|---|---|---|
| Agree | 1 | 50 | 8 | ||
| Abstain | 1 | 50 | 8 | ||
| Disagree | 0 | 0 | 0 | ||
| Block | 0 | 0 | 0 | ||
| Undecided | 10 | 83 |
Pirate Bady
Thu 1 Jul 2021 7:14PM
താത്ത്വികമായി പറയുകയാണെങ്കില് ഇത് നിലവിലെ അസോസിയേറ്റ്സിനും സ്ഥിരാംഗങ്ങള്ക്കും ബാധകമാവുന്ന രീതിയലല്ല ഇപ്പോള്, പ്രതിജ്ഞയ്ക്ക് പകരം ഇത് ഭരണഘടനയില് "മൗലിക കര്ത്തവ്യങ്ങള്" എന്ന പുതിയൊരു ഭാഗമായി എല്ലാവര്ക്കും ബാധകമാകുന്ന രീതിയില് ചേര്ക്കുന്നതാവും നല്ലതെന്ന് തോന്നുന്നു.
Pirate PraveenThu 1 Jul 2021 9:32PM
ശരി. ഇതു് ഭരണഘടനയിൽ തന്നെ ചേർക്കാം.
AkshayFri 2 Jul 2021 5:53AM
നിലവില്ലുള്ളവര് എല്ലാവരും പ്രതിജ്ഞ എടുക്കുക എന്നൊരു പരിപാടി നടത്തിയാല് പോരേ? ഭരണഘടനയില് ചേര്ക്കുന്നതിനേക്കാള് എളുപ്പവുമാവും, മുഴുവന് പിന്നേം ആലോചിച്ചു കൂട്ടുകയും വേണ്ട
Pirate Bady ·Wed 23 Jun 2021 4:31PM
താഴെ പറയുന്ന ആശങ്കകളുണ്ടെങ്കിലും ഒരു തുടക്കമെന്ന രീതിയില് മേല്പ്പറഞ്ഞതിനോട് യോജിക്കുന്നു.
പ്രതിജ്ഞ ലംഘിച്ചോ ഇല്ലയോ എന്ന് എങ്ങനെ അറിയും? ലംഘിച്ചാല് എന്ത് ചെയ്യും? അതോ ഇതൊരു വിശ്വാസത്തിന്റെ പേരില് മാത്രമെടുക്കുന്ന പ്രതിജ്ഞയാണോ?
സ്ത്രീധനം എന്ന നിര്വചനത്തിന്റെ പരിധിയില് എന്തെല്ലാം വരും? നേരിട്ടു സ്ത്രീധനം ചോദിക്കാതെ വളച്ചുകെട്ടി ചോദിക്കുന്നവരുണ്ട്. ഞാനായി ഒന്നും ചോദിച്ച് വാങ്ങിയതല്ല, പെണ്വീട്ടുകാര് അവരുടെ മകളുടെ സന്തോഷത്തിന്റെ പേരില് കൊടുക്കുന്നതാണെന്ന് പറയുന്നവരുണ്ട്.
ഭര്ത്താവിന് നേരിട്ട് നല്കാതെ പണമായോ സ്വര്ണ്ണമായോ മറ്റ് സ്വത്തുക്കളായോ മകള്ക്ക് നല്കുന്നത് സ്ത്രീധനത്തിന്റെ പരിധിയില് പെടുമോ? ഇങ്ങനെയുള്ള പഴുതുകള് ദുരുപയോഗം ചെയ്യാനുള്ള സാദ്ധ്യതയില്ലേ?
വിവാഹം കഴിഞ്ഞാല് ഭാര്യ ഭര്ത്താവിന്റെ വീട്ടിലാണ് സ്ഥിരമായി താമസിക്കേണ്ടത് എന്ന പൊതുബോധവും ഇതിനൊരു കാരണമല്ലേ?